一啖一故事

　　我地已經離開左【禾木村】，原來分左新村，舊村，我地就住係新村，所以剛到嘅時候就落錯車，不過最正係有穿梭巴，去邊都方便，新村就少人d，舊村真係太多人，周圍都有人叫你消費。係新村嘅青旅就好似與世隔絕，好清靜好舒服，睇住d 馬牛羊跑來跑去，食下草就一日。

‼️重點‼️
　　為左報答大家一直都支持我地，只要大家係你地最中意嘅post tag 5個朋友，叫埋佢地like，就可以獲得由新疆出土嘅嘅精美postcard! 名額有限，先到先得

　　係【伊寧市】，本來訂左間local青旅住，放低行李去【漢人街】食維族餐 ，返去嘅時候點知間青旅話唔比外賓（港澳台，外果仁）入住，叫我地加錢住當地人屋企，根本就想坑我地，唔憤氣下我地勁狼狽夜媽媽11點半從維族村搭的士去國際青旅先好好安頓。
　　經過今次教訓後，決定以後都一定要住yha 國際青旅，唔好再貪平/環境，除非係深山啦

　　好多人都問我地係咪有隨團攝影師，其實宜家我地係三人遊。四日前係烏魯木齊青旅同一個吉林女仔一拍即合，大家都冇計劃甘隨心玩，由烏木玩到伊寧再到禾木，下一站喀納斯！GOGO!
　　真心佩服呢個女仔，周圍走周圍結伴，新疆係佢中國最後一個省，又走過斯里蘭卡、埃及、約旦、尼泊爾無數個神奇國度。旅遊閱歷十足，沿途比左好多係大陸待人處事既貼士我地。

　　本身去賽里木湖之前，我地都諗住係果到訓一晚過夜，所以都大包小包咁，但係去左之後就覺得『嗯，係幾靚嘅，不過唔洗過夜啦～』所以又驚又險落左山之後，就諗住搵拼車坐返去【伊寧市】中心，正當係公路旁邊一路行，一路心諗不如試hitchike，影緊相之際，就有架Benz 停低左，我地果一刻都唔敢相信係為我地停低，直至車上的大叔下車揮手叫我地上車先醒覺真係得左。
 

　　呢個過程，其實就不足一分鐘，感覺好夢幻，好好彩。車上有一男一女的司機，就令我地安心上車繼續起程。佢地又順路去埋【果子溝大橋】，【薰衣草原】，【霍爾斯口岸：中國與哈薩克邊境】，最慘無帶護照，如果唔係就真係可以出國去哈薩克。

　　我地嘅野餐其實就係食下水果同面包，之後就繼續往山裏面走，小山丘高低起伏，草原都非常空曠，就在不遠處的山坡上見到呢隻可愛嘅駱駝，佢見我地想同佢合照就會停低望鏡頭，但係影得太耐佢就不耐煩向前行，又會影影下無啦啦張開腿vv 同拉屎。身在城內嘅孩子，尤其是香港嘅我地，無咩機會係大自然接觸動物，見到駱駝我地都已經開心左大半日。

　　落車位置就係隧道口，行2步就到左【賽里木湖】，湖水好清澈好冰涼，本身一邊聽住湖水的浪聲，一邊散步好浪漫，但係偏偏d 當地人就係咁追住我地：「騎馬啦！都一場來到唔騎體驗唔到有幾靚！再唔係，比10蚊上馬影張相呃下like 都好！」
　　為左避佢地，我地就決定往山上走，想俯視一下整個湖有幾壯觀，點知行左10步，就有個哈薩克牧民要我地比過路費（¥5/人）先可以上去，經過一輪考察，我地同其他旅友一齊比錢登山。其實條路既崎嶇又斜，真係差d 碌左落山，幾經辛苦上到山，回頭望返個湖景，真係正到不得了，於是就一路望住個世界級景觀，一路「野餐」。

　　新疆一個到處都是安檢的地方，到處都是重裝特警的地方，在街上感覺沒什麼，但一到火車站氣氛馬上就不同了，氣氛很嚴肅，坐一趟火車要經過四道安檢，把原本沒什麼感覺的我們都弄得緊張起來。要坐通宵火車到伊寧了，一票難求，我們要分開睡了。明天早上見！

　　去到【伊寧】落左火車之後，就已經有勁多人拉我地包車去唔同嘅景點，又呃鬼我地：「無其他車架啦，你包車吧啦，又快又舒服，都係差唔多價錢！」真係煩到hihi，唔想比人搵老襯嘅我地當然自己搵大巴（¥60/人）【博樂方向】搭去【賽里木湖】啦，因為都離伊寧市>100km，坐左2個鐘就到呢個「世外桃園」。

　　我地好好彩遇到個江蘇大叔，免費車左我地2程遠路，差唔多4個幾鐘，一來慳返d 錢，二來一邊傾計一邊坐車，時間就好快過，我地2個對新疆呢個地方都長知識，約定下次有機會再一齊去玩。

　　我們就是八卦！出門時聽到有背客要去我們將要去的地，「我地搵個伴呀！」就厚臉皮甘搭訕，同跟佢地去吃早餐，甘就識左兩個新朋友。游說了一個吉林女生改火車票，跟我們一起玩，琴晚就跟我地坐通宵火車去伊寧啦！
　　琴日終於去左傳說中新疆的第二個國度，當地人都不去既大巴扎，裹面都係維族人、維族建築。一直聽好多當地人講去到大巴扎要小心、吾好夜晚去、吾好同人發生任何衝突。但其實根本沒什麼，裹面非常安全，他們同我們其實都一樣，遇到游客就係會叫貴d甘。再次感受到自己未真正感受過真係吾好亂講！

　　琴晚去左新疆朋友嘅屋企，為左迎接我地，佢邀請左維族姨媽煮左餐新疆人屋企嘅家常便飯比我地食。我地親眼睇住佢將新鮮食材煮成大盤佳餚，就好似變魔術咁，睇到我地O 晒嘴，佢地真係勁好客，煮左5個餸，1個涼拌，1個面，個個都勁好食，係呢幾日食過最正嘅一餐。
　　姨媽開頭煮緊飯嘅時候非常專心，專心到我地以為佢黑我地面

　　石硤尾嘅南山邨就去得多，烏魯木齊嘅避暑天堂【南山牧場】就真係第一次。呢個景點所謂重頭戲係個好普通嘅瀑布，但要行8km，（其實可以區間車，但要¥60/人），但係沿路有一望無際嘅天空，大草地，流水，散散落落嘅蒙古包，都即係抵返晒行咁多路

　　有西安的朋友帶路！帶我們去回民街吃最正宗的羊肉泡膜、肉夾膜連吾食羊既Ginny，都覺得好食！肉夾膜又係從來未食甘好食甘多肉既！超好食！再食埋其他小食，是晚行程相當飽滿謝謝你們！

熱辣辣完全吾想出，留係青旅一邊睇女排一邊吹水，一邊煲湯，懶庸庸甘就過左半日，一陣就飛新疆啦好緊張！沿途個個都叫我地要小心，我地會安安全全番黎嫁！
Btw 睇女排真係好緊張中國女排好棒啊！

終於出發啦！

超多人嘅關係，我地只買到無座票，所以頭3個鐘連位都無得坐，係架高鐵遊離浪蕩，見到有空地就踎，仲要踎住食粟米，面包，d 細路好似甩繩馬騮大叫大跑（好符合國情)。其實訓下食下吹下水玩下電話，9個鐘都幾快過啊，好期待今晚去【西安吃貨天堂：回民街】瘋狂食食食

前前後後搭車都搭足12個鐘，終於到西安北站