Do Re Me Fa 蘇杭滬

 係杭州最後一日嘅午餐亦係我地行程最後一站。我地出發去左茶人村。未到十一點就已經入座；去到十一點半左右就已經要等位！入面菜式主要係杭州農家菜，佢地個私房桂魚係最徝得推介，又香濃又重魚味，咁早起身去絕對值啊！

 一落火車就即刻去睇依一片醉人嘅西湖。枊樹配上小船泛舟真係好寫意,就好似一幅識得流動嘅水墨畫。去到夜晚我地就出發去河坊街步行街,係一條係杭州好有特色嘅街道,有好多地道小食；今次最令我地難忘嘅係步行街嘅「神奇拉大片」，十蚊嘅人民幣就可以欣賞到三、四個中國傳統故事，真係物超所值！晚餐就係去左桂語山房
，入面嘅氣氛比人一種高雅又寧靜嘅感覺。食物主要圍繞住桂花為主題，佢地最出名嘅九曲紅梅茶又香又好飲，我地不斷加水、加水再飲。如果你地想係杭州搵一間可以令自己靜落黎嘅餐廳，桂語山房一定係你嘅不二之選！

 蘇州行程嘅第二日，我地先去拙政園，一個好古色古香嘅地方。有好多人都特登著左唐裝黎影相，佢地個個都好優雅！！之後我地就出發去虎丘山，虎丘山個塔有東方比薩斜塔之稱，睇下幅圖就知道啦！晚上我地去左江南大院文化體驗館。依一間唔係一間普通嘅餐廳，而係一間可以體驗蘇州文化嘅餐館。如果四至五個人可以坐係小船上面。佢嘅點餐方式都好特別，係以一個抽籤嘅形式去點菜。啲食物又好食又大份，價錢仲要唔貴，真係蘇州必去嘅體驗館。

 我地朝早嘅十一點幾就搭高鐵去蘇州，用左唔夠半個鐘就成功到達目的地啦。之後我地就出發去蘇州博物館，全部都好靚，打卡一流啊！難怪日日人流都咁多啦。蘇州嘅第一日我地仲試左好多蘇州嘅特色食品，首先係裕興記，如果你哋食三蝦麵的話佢會有專人幫你撈個麵；之後就飲左個拙政水墨，其實係芝麻奶；除左個名特別連個味道都好特別架！下一站我地就係觀前街試左蘇州特色小食仙豆糕──用綠豆整成──聽聞每日食一啲豆類嘅製品對身體會好架。最後就係望山楂氣泡水，蘇州有好多餐廳都有依枝飲品，所以忍唔住買返一枝試下。結果真係好正啊。

 首先去食南陽路粢飯團，做早餐真係一流！之後就去咗全世界最大嘅Starbucks朝聖，入邊好多產品都印有左上海嘅標誌，全部都好吸引。之後就去飲已派紅爆嘅大白兔奶茶──今年係大白兔糖嘅60周年啊！！晚餐我地就去左人和館，入面嘅裝修好古色古香，服務員都著曬老上海嘅服裝；至於食物方面全部都好好味，尤其係松鼠桂魚同酒釀丸子。去左上海四日三夜，所有人、事、食物留俾我地好深刻嘅印象，特別係上海醉人嘅夜景，即使每一晚都見到但仍然會不禁停低細味。

 上海太陽太猛烈啦！搞到病左發燒啊！一早去左外灘睇外灘朝早景色，之後去左田子坊。田子坊係一個3A級景點有好多上海老店；我地仲試左上海老酸奶添啊，入面仲好似加左桂花酒。

 等到頸都長終於可以展開我地蘇杭滬之旅！跟著落黎就等我地帶大家吃、喝、玩、樂啦！今日行程太豐富；一落機就去食佳家湯包，蟹粉鮮肉湯包簡直一流！之後去左南京步行街，一條好有特色嘅街，又有古舊建築又有商城。之後入夜，我地就出發去外灘欣賞上海夜景。行到攰就去老吉士食今日嘅晩餐──魚頭、紅燒肉、蟹粉涼皮都係必食菜式。